17-May-2022 غیر عنوان-
امیرِ حمزہ امیرِ حمزہ
،،،،،،،،،،،،،،،،،،،،،،،،،،
❣️🌹🌹❣️
فدائے محبوبِ ربِّ کعبہ، امیرِ حمزہ امیرِ حمزہ
نہیں ہے دنیا میں کوئی تم سا امیرِ حمزہ امیرِ حمزہ
سوال آیا کہ کون ایسا ہے جس کی خاطر حضور روئے
تو دل مچل کر یہ بول اُٹھّا، امیرِ حمزہ امیرِ حمزہ
کیا گیا چاک پہلے سینہ چبا کے تھوکا گیا کلیجہ
یوں دے کے جاں تم نے دِیں بچایا امیرِ حمزہ! امیرِ حمزہ
شہید کی شان کر رہا ہے بیان قرآں میں خود خدا بھی
نہ سمجھو مردہ، ہیں اب بھی زندہ امیرِ حمزہ امیرِ حمزہ
ہو کُفر کتنا ہی زور آور مگر جب آ جاتے تیغ لے کر
پلٹ کے رکھ دیتے سارا نقشہ امیرِ حمزہ امیرِ حمزہ
جو نام سے اُن کے جلتے ہیں وہ جلیں، مجھے کیا، میں تو کہوں گا
امیرِ حمزہ امیرِ حمزہ امیرِ حمزہ امیرِ حمزہ
تمہارا دیوانہ ہے یہ توصیفؔ اِس میں بالکل نہیں کوئی شک
یہ ہر گھڑی بس ہے کہتا رہتا امیرِ حمزہ امیرِ حمزہ
،،،،،،،،،،،،،،،،،،
✍️از۔ توصیف رضا رضوی باتھ اصلی سیتا مڑھی بِہار انڈیا
+91 9594346926
